Иштин тартиби:

 

I БӨЛҮК. Убакытты жана аралыкты өлчөө аркылуу ылдамданууну аныктоо

 

3.2-сүрөт

1.    Фотогейтти 3.2-сүрөттө көрсөтүлгөндөй, полго параллель жана кыймылсыз болгудай орноткула.

2.    Фотогейттин штепселин смарт таймердин I же II каналына туташтыргыла жана смарт таймерди Time: Fence абалына жөндөгүлө.

3.    Смарт таймердин  3  (Start/Stop) баскычын баскыла жана кыпчыгычты ачуу менен, тилкелүү желекче фотогейттин нурун вертикалдуу кесип өткөндөй төмөн таштагыла.

 

Эскертүү: Өлчөөлөрдү жогорку тактыкта жүргүзүү үчүн төмөнкү шарттарды аткаруу керек:

 

1.    Желекче фотогейттин нуруна 90⁰ бурч менен айланбастан түшүш керек. Желекченин кырын кыпчыгыч менен кармагыла.

2.    Желекченин 5 дик тилкеси фотогейттин нурун кесип өткөндөй болуп түшүш керек.

 

4.    Смарт таймерден  3  (Start/Stop) баскычын басып , андан кийин  2  (Select Mode) баскычын басып,  чоңдуктарынын маанисин жазып алгыла. Ылдамданууну  бирдигинде эсептегиле. Өлчөөлөрдү бир нече жолу кайталагыла.

 

II БӨЛҮК. Ылдамданууну түз өлчөө

 

1.    Смарт таймерди Acceleration: One Gate абалына жөндөгүлө.

2.    Смарт таймердин  3  (Start/Stop) баскычын баскыла жана кыпчыгычты ачуу менен, тилкелүү желекче фотогейттин нурун вертикалдуу кесип өткөндөй төмөн таштагыла.

3.    Смарт таймерден  ылдамдануусунун маанисин  бирдигинде жазып алгыла. Өлчөөлөрдү бир нече жолу кайталагыла.

3.1-таблица

 

 

4. I жана II бөлүктөрдө жүргүзүлгөн өлчөөлөрдүн жана эсептөөлөрдүн натыйжаларын жана аларга тиешелүү болгон салыштырма жана абсолюттук каталарды эсептеп 3.1-таблицага жазгыла. Эркин түшүүнүн ылдамдануусунун теориялык жана өлчөнгөн маанилеринин ортосундагы айырманы процент менен эсептегиле.